Khaad ki dukan dawai ki dukan se alag chalti hai. Maal boriyon mein aata hai, kabhi kilo mein bikta hai aur kabhi mann mein, company ka account hamesha chalta rehta hai, aur season mein aik hafte ke andar poora stock nikal jata hai.

Isi liye aam dukan ka software yahan poora nahi baithta. Khaad shop software ko boriyon, company ke account aur fasal ke baad wale udhaar — teenon ko samajhna parta hai. Yeh page khaad shop software ke baare mein hai — kaam kya karta hai, kya nahi karta, aur kharcha kitna hai. English tafseel: pesticide aur khaad dealers ke liye POS software.

Bori, kilo aur mann — ginti wahi jo dukan par hoti hai

Yeh pehli cheez hai jahan aam software haar jata hai. Urea ki bori 50 kg ki hai, kisan kabhi aadhi bori maangta hai, aur bara khareedar mann mein baat karta hai.

AgroPOS mein unit wahi rakhi ja sakti hai jo aap ki dukan par boli jati hai — bori, kilo, mann, litre. Stock usi hisaab se ginti hai, aur bill par bhi wahi likha aata hai jo customer samajhta hai.

Company ka account — jo aap ne dena hai

Khaad ki dukan mein asal hisaab do taraf chalta hai: kisan se lena, aur company ko dena. Doosra hissa aksar register mein sab se kamzor hota hai.

  • Har kharid company ke naam par darj hoti hai — Engro, FFC, Fauji, Suzuki khaad, jo bhi aap ka supplier ho.
  • Har supplier ka running payable balance aur poori payment history saath rehti hai.
  • Payment ki tareekh peeche bhi daali ja sakti hai — pichle hafte ki payment usi din ke naam par jati hai jis din ki thi.
  • Company-wise stock report: aap ke paas kis ka kitna maal para hai.

Season ke beech mein jab company ka banda aata hai, hisaab dono taraf se aik hi hona chahiye. Yeh wahi jagah hai jahan register dhoka de jata hai.

Udhaar — fasal ke baad wala hisaab

Khaad par udhaar dawai se bhi zyada chalta hai, aur amount bara hota hai. Aik kisan ka bees bori ka udhaar chhota nahi hota.

  • Har customer ka running balance, poori history, aur chahein to credit limit.
  • Counter pehle batata hai jab koi apni limit paar kar raha ho.
  • Udhaar wali parchi par pichla balance, aaj ka udhaar aur naya total — teenon. Customer aur aap ke paas aik hi figure rehta hai.
  • Payment purane bill se pehle adjust hoti hai. Ziyada payment ho to advance ban kar mehfooz rehti hai.
  • Recovery wali list batati hai kis kis ka paisa baqi hai, sab se bara pehle.

Tafseel: udhaar khata software.

Stock — season shuru hone se pehle

Khaad ka season chhota aur tez hota hai. Rabi se pehle ka hafta tay karta hai ke poora season kaisa jayega.

  • Kaunsa maal kam ho raha hai — low stock ki list.
  • Kaunsa maal para hua hai aur nahi bik raha.
  • Stock ki asal qeemat, us rate par jis par aap ne khareeda tha.
  • Rozana ka summary: naqad kitna aaya, udhaar kitna gaya, kharcha kitna hua.

Bijli jaye tab bhi kaam chalta rahe

Season ke din mein counter par das banday khare hote hain aur usi waqt light chali jati hai. AgroPOS aap ke apne PC par chalta hai — internet sirf teen kaam ke liye: licence chalu karna, backup upload karna, update lena.

Jo software browser mein chalta hai wo line jate hi band ho jata hai. Yeh nahi hota.

Inspection ka record

Fertilizer dealer ka bhi record dekha jata hai. Saat register software se seedha nikalte hain — aap ke letterhead aur licence number ke saath, aur kharid rate un par nahi chhapta.

Tafseel: inspection registers.

Kya nahi hai

Saaf baat behtar hai:

  • Reminder khud nahi jate — na SMS, na WhatsApp. List banti hai, phone aap karte hain.
  • Aik licence aik PC par chalta hai. Doosra counter chahiye to doosra licence.
  • Bill ka layout English hai. Naam, gaon aur product Urdu mein likh sakte hain, wo theek chhapta hai.
  • Mobile app nahi. Windows PC ya laptop ka software hai.

Kharcha

Rs. 30,000 aik baar, aik PC ke liye. Koi mahana fees nahi.

7 din free trial — poora software. Apne asal rate, apni asal boriyan daal kar dekhiye.

Setup aur training shamil — Urdu mein, dukan par ya remote. Purana hisaab aik-aik kar ke likhne ki zaroorat nahi: har customer aur supplier ka opening balance aik figure mein.

Aage kya

Pesticide aur khaad dealers ke liye POS software par har feature khul kar likha hai, aur pricing se trial shuru ho jata hai.

Banane wale Innobrains Technologies, Jhang, Punjab. Jo number WhatsApp par jawab deta hai, wahi support ka number hai.